Нэг. Ерөнхий мэдээлэл

eBazaar.mn цахим захиалгын систем нь дараах тохиолдлуудад иргэн, хуулийн этгээдийг /цаашид "Хэрэглэгч" гэх/ мэдээллийг цуглуулна. Үүнд:

• Хэрэглэгч гэдэг нь eBazaar.mn цахим захиалгын системд нэвтэрч, өөрийн бүртгэлийг үүсгэн бараа бүтээгдэхүүн нийлүүлж, захиалж буй хувь хүн, хуулийн этгээдийг хэлнэ.
• Хэрэглэгч системд бүртгүүлэх үед цахим шуудангийн хаяг болон хэрэглэгчийн үүсгэсэн нууц үг системд хадгалагдана. Нууц үгийг систем шифрлэн кодчилж хадгалдаг тул хэрэглэгчээс өөр хэн ч мэдэх боломжгүй.
• Хэрэглэгч хувийн мэдээллээ оруулах үед мэдээлэл системд хадгалагдана.
• Хэрэглэгчийн системд хийсэн үйлдлүүдийн мэдээлэл (хувийн мэдээлэл, захиалгын мэдээлэл, сонирхсон барааны мэдээлэл гэх мэт) системд хадгалагдана.
• Хэрэглэгч FACEBOOK хаягаараа бүртгэл үүсгэсэн бол FACEBOOK–с зөвшөөрсөн мэдээлэл (овог, нэр, имэйл, төрсөн огноо, хүйс гэх мэт) системд хадгалдана. Хэрэглэгч нууц үг оруулснаар бүртгэл идэвхжинэ.

Хоёр. Хэрэглэгчийн мэдээллийг хэрхэн ашиглах нөхцөл

Системийн үндсэн заавар, чиглэлийн дагуу хэрэглэгчийн оруулсан мэдээлэл нь хэрэглэгчийн өмч бөгөөд Е БАЗААР ТРЕЙД ХХК хэрэглэгчийн зөвшөөрөлгүйгээр доор дурдсан нөхцөлөөс бусад хэлбэрээр ашиглахгүй.

• Захиалга хүргэх болон тодруулга авах үед хэрэглэгчийн мэдээлэл ашиглана (утсаар холбогдох, имэйл илгээх, хүргэлтийн хаяг ашиглах гэх мэт).
• Системийн хяналт, сайжруулалт, хөгжүүлэлт, тест хийх.
• Шинэ бүтээгдэхүүн, модуль хөгжүүлэх болон тест хийх.
• Техникийн засвар үйлчилгээ хийх.
• Системийн судалгаа, хяналтад ашиглах (нийт хэрэглэгч, захиалга гэх мэт).

Гурав. Хэрэглэгчийн мэдээллийг бусдад түгээх

Е БАЗААР ТРЕЙД ХХК нь хэрэглэгчийн хувийн мэдээллийг гуравдагч этгээдэд ашиглуулахгүй, түгээхгүй бөгөөд үйлчилгээний хэрэгцээнээс гадуур аливаа зорилгоор ашиглахгүй.

Дөрөв. Хэрэглэгчийн мэдээллийг хадгалах

• Хэрэглэгчийн мэдээллийг Amazon EC2 серверт хадгална. Нэвтрэх нэр, нууц үгээ аюулгүй хадгалах нь хэрэглэгчийн үүрэг.
• Нэвтрэх нэрээ бусдад алдсанаас үүдэлтэй хохирлыг компани хариуцахгүй. Компани хэрэглэгчийн нэрээр мэдээлэл рүү нэвтрэх боломжгүй.

Тав. Хэрэглэгчийн мэдээллийг удирдах сонголтууд

• Хэрэглэгч хувийн мэдээлэл болон дансны тохиргоог хүссэн үедээ өөрчилнө.
• Цахим шуудангийн мэдэгдлээс татгалзах боломжтой.
• Хэрэв хэрэглэгч эрхээ идэвхгүй болгосон бол мэдээллийг системд дүрслэхгүй бөгөөд эргээд идэвхжүүлэх хүртэл хадгална.

Зургаа. Нууцлалын баталгааны журмын шинэчлэлт

• Е БАЗААР ТРЕЙД ХХК нь Нууцлалын бодлогод өөрчлөлт оруулах эрхтэй. Өөрчлөлт оруулсан тохиолдолд eBazaar.mn сайтад нийтэлнэ.
• Захиалга хийсэн үед хүчинтэй байсан нууцлалын бодлого нь бараагаа хүлээж авах хүртэл хүчинтэйд тооцогдоно.